VERSE 1:
Sayo sa kabuntagon
Hangtud sa kagabhion
Bisan sa akong pagkatulog
Ikaw nagauban kanako

Tungod sa imong gugma
Ug sa maluwasong grasya
Ako imong gipili
Labaw pa sa tanang bahandi

REFRAIN:
Hataas pa sa kalangitan
Mas lawom pa sa kadagatan

CHORUS:
Ang gugma Mo Ginoo
Walay sukod nganhi kanako
Nagaawas ning akong dughan
Nagalukop ning kalibutan

Pagka tam-is sa imong ngalan
Ang katahom dili gyud hitupngan
Hesus nga manunubos
Awitan ko Ikaw

VERSE 2:
Ikaw ang akong katagbawan
Sa kalag ko nga giuhaw
Walay lain nga alagaran
Kay Ikaw man ang kamatuoran

Ikaw ang akong gitinguha
Ug kanunay kong gihunahuna
Kay Ikaw ang pinitik ning dughan
Hesus, Ikaw ang akong gugma